Resumo da reunión da pais, nais e familias.

Resumo da reunión de pais, nais e familias do alumnado de 1º curso celebrada o pasado martes día 5 de Xuño.

Temas tratados:

-         Conclusións do curso

-         Excursión de fin de curso

-         Festival de fin de curso

-         Traballo voluntario para o tempo de vacacións

-         Proposta para o próximo curso

Conclusións do curso:

Cada titora avalió de forma xeral o curso xa case rematado.

Excursión de fin de curso:

O día 21 Xoves terá lugar a saída de fin de curso, en horario comprendido entre as 9.00 e as 18.00.

Horario:

9.30- Saída

10.00- 13.00- Actividades na granxa, por grupos e acompañados dun monitor.

13.00-Saída da granxa en dirección á Área recreativa de “O Seixedo”.

14.00- Comida no Seixedo en compañía das familias que queiran participar do xantar. Os nenos e nenas que non queden á comida volverán no bus ata o centro para coller o transporte do mediodía  coma calquera día.

17.00- Recollida dos nenos. Os nenos e nenas que non sexan recollidos no Seixedo subirán no bus ata o centro para a saída as 18.00.

18.00- Última recollida no centro.

Sobre este tema darase mais información por escrito.

Festival de fin de curso:

O centro organiza o festival de fin de curso o día 22 Venres ao que estades invitadas as familias. Mais información cando se achegue a data.

Traballo voluntario para o tempo de vacacións:

As titoras do nivel farán unha recomendación de posibles materiais para o traballo de verán.

Proposta para o próximo curso:

A aula de 2ºB utlizará os libros que figuran na lista de material.

As aulas de  2ºA e 2ºC non van  utilizar os libros que aparecen na lista de material. Antes de que remate o curso daráselles ás familias unha lista de material complementario que poderán comprar utilizando, se así lles corresponde, as axudas para a compra de material.

ORDE do 30 de maio de 2012 pola que se convocan axudas para a adquisición de libros de texto, materiais curriculares e material didáctico e complementario destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos, no curso escolar 2012/2013.